Efervesciencia

Levamos o laboratorio portátil de Efervesciencia a Tecnópole (San Cibrán da Viñas) para coñecer de primeira man a edición número 13 da Feira Científica Galiciencia. Aproveitamos para conversar co investigador da Universidade de Vigo Juan Antonio Añel, especialista en impacto do Cambio Climático e física atmosférica. Contamos ademais con Sabela Bouzo, Antonio Gregorio, Ana Otero, Tino Álvarez, David Ballesteros, Iria Ollero e Kike Fontán. Por outra banda o noso correspondente en Londres, Juan Picos, achegouse no barrio de Portobello ao colexio español Cañada Blanch. Alí descúbrenos unha "Science Week" que fala en galego.

A Semana da Ciencia é un evento global que se desenvolve en diferentes datas segundo o pais. O noso correspondente en Londres Juan Picos achegouse no barrio de Portobello ao colexio español Cañada Blanch. Alí descúbrenos unha "Science Week" que fala en galego.

Audio promocional da emisión do 13-5-18 especial desde Galiciencia

Pasamos unha tarde entre ósos e historias coa antropóloga física Olalla López Costas no seu laboratorio. Olalla é investigadora do grupo “Ciencia do Sistema Terra” da Universidade de Santiago de Compostela e especialista en paleodieta. Polas súas mans teñen pasado ósos dos principais xacementos galegos entre eles ós da Lanzada ou do Ghidoiro Areoso. Contamos co testemuño de Rafael Rodríguez e Patricia Mañana respectivos directores das escavacións nestes xacementos. O traballo de Olalla serviu para identificar unha mandíbula atopada no Ghidoiro como o primeiro resto humano que se conserva en Galicia da Idade de Ferro. O mito da peleodieta en nutrición, o descoñecido millo miúdo, os ósos radioactivos de a Lanzada, a práctica da antropoloxía física, as historias da xente común que contan os ósos, os isótopos que delatan a fonte de auga que bebes ou a túa dieta, o enigma das vikingas contaminadas por metais,... Esta tarde no laboratorio deu para moito.

"Retirouse o Dalsy do mercado por un erro no folleto e pola contra os remedios homeopáticos inzan de publicidade enganosa as farmacias" Elena Campos Cando unha persoa é tratada cunha pseudoterapia malgasta como pouco os seus cartos, pero tamén pode ver resentida a súa saúde e mesmo perder a vida. De quen é responsabilidade? Do doente ou do falso terapeuta? Para a @apetp_ os doentes están desamparados legalmente e as administracións miran para outro lado. Conversamos con Elena Campos @ElenaC_S presidenta de a "Asociación para protejer al enfermo de terapias pseudocientíficas".

Cando unha persoa é tratada cunha pseudoterapia malgasta como pouco os seus cartos, pero tamén pode ver resentida a súa saúde e mesmo perder a vida. De quen é responsabilidade? Do doente ou do falso terapeuta? Para a @apetp_ os doentes están desamparados legalmente e as administracións miran para outro lado. Conversamos con Elena Campos @ElenaC_S presidenta de a "Asociación para protejer al enfermo de terapias pseudocientíficas". O estatístico Manuel Oviedo do @ITMATI vén de publicar en Plos One un método para predicir a gripe estacional con tan so datos meteorolóxicos de temperatura. O modelo validouse con datos galegos. Ao noso novo correspondente en Londres Juan Picos @juanj10n tocoulle visitar o @sciencemuseum e o @NHM_London A recomendación de #CambiodeFase @Tecnocoia é "Fóra de Mapa" de Emilio Fonseca. Intrigas cartográficas na Venecia do século XV.

O catedrático xubilado de Química Orgánica da USC Enrique Raviña cóntanos por que xurdiu no século XX en Galicia toda unha industria ao redor dun fungo do centeo, o caruncho. Raviña é o autor de "Medicamentos.: Un Viaje a Lo Largo de la Evolucion Del Descubrimiento de Farmacos" editado pola Universidade de Santiago

"En Galicia non se coñece nin valora o grao de modernidade e vangarda científica que acadou a Universidade de Santiago antes da Guerra Civil" Ricardo Gurriarán Zeltia, o caruncho, Fernando Calvet, a efémera vangarda científica da Universidade de Santiago, a represión na universidade logo da Guerra Civil, a liberación de presos polo coñecemento, a síntese do DDT en Poriño... todo isto forma parte da nosa historia recente da ciencia e amósase na película "Os Fillos do Sol". Coñecemos este periodo histórico da man Ricardo Gurriarán, doutor en Historia Contemporánea.

O noso colaborador Borja Tosar di que ten un traballo de Fin de Máster sobre a "Terraformación de Marte". Como o traballo non aparece poñemos a proba os seu coñecementos e supera a proba con éxito. A clave está en poder cocer un ovo no Planeta Vermello.

Zeltia, o caruncho, Fernando Calvet, a efémera vangarda científica da Universidade de Santiago, a represión na universidade logo da Guerra Civil, a liberación de presos polo coñecemento, a síntese do DDT en Porriño... todo isto forma parte da nosa historia recente da ciencia e amósase na película "Os Fillos do Sol". Coñecemos este período histórico con Ricardo Gurriarán. O noso colaborador Borja Torsa di que ten un traballo de Fin de Máster sobre a "Terraformación de Marte"...

Hai uns meses o investigador do CIQUS Diego Pena contounos en condicional a posibilidade de crear grafeno nanoporoso. Esta semana puidémolo ver como realidade en na revsita Science. Pena cóntanos hoxe como operou un chisco a serendipia neste achado. 198539

Coa catedrática de fisioloxía da USC Rosa Señarís coñecemos cal é papel do encéfalo - enconcreto o hipotálamo - no control do peso corporal en humanos. O problema dos quilos de mais ten que ver en como a evolución moldeou o noso cerebro. Tamén coñeceremos a dous grupos de investigación galegos que veñen de ver publicadas as súas investigacións esta mesma semana nas revistas "Science" e "Nature" Comunications, que para entendérmonos ven sendo como xogar na Champion League da Ciencia. Con Diego Peña do CIQUS-USC coñecemos a receita galega para elaborar grafeno con furados. Xosé Antón Álvarez Salgado do IIM-CSIC explícanos como chegaron a coñecer que os microplásticos estan a alimentar ás bacterias mariñas.

Imaxinádevos que saídes pescar cuns amigos pola ría de Arousa nunha lancha. Nun momento dado a un dos excursionistas dálle un infarto ao corazón. Que facemos nesta circunstancia onde cada segundo pode marcar a diferenza entre a vida e a morte logo de chamar ao 1 1 2? Cara onde tirar, cara o porto que estea mais preto ou o que este co vento a favor? Podemos empezar a facer compresións no peito? E se así debemos poñer a lancha a toda velocidade ou amainar un chisco para facer a reanimación? Grazas ao grupo de investigación REMOSS da Universidade de Vigo que dirixe Roberto Barcala temos resposta baseada en evidencia a estas preguntas.

María José Martínez Patiño fainos matinar nos valores do deporte para integrar a todas as persoas independentemente do que merquen os seus cromosomas. Coñecemos a súa loita pola participación das persoas intersexuais no olimpismo. Patiño é investigadora da Universidade de Vigo, asesora científica do Panel de Expertos do Comité Olímpico Internacional e especialista en "Ciencia Política e Deporte" e "Empresa, estratexias empresariais e Deporte de alto nivel".

Falamos de xogos enxeñosos creados en Galicia con Irimia Fernández (Brazolinda) e Marcos Alonso (Neukos). Xosé Luis Veiga Goy preséntanos o mundial sub-12 de xadrez que ha ter lugar en Compostela. A petición dun oínte vía Telegram a @efevesciencia Juan Aguilar explica o que é o flato ou punto. María José Martínez Patiño fainos matinar nos valores do deporte para integrar a todas as persoas independentemente do que merquen os seus cromosomas. Coñecemos a súa loita pola participación das persoas intersexuais no olimpismo.

ensas que es 100% dixital? En realidade non non es porque aí está o modesto papel hixiénico. Saberamos da súa historia con Bibiana García Visos.

Temos novo colaborador en Efervesciencia. Juan Picos ha ser o noso correspondente en Londres. Desta volta fálanos do pasamento dun importante científico, o biólogo Sir John Sulston.

Leite transparente, pantallas irrompibles, agrupacións de átomos que se insiren no ADN, sulfatar con cantidades mínimas... Nos dominios da nanotecnoloxía o tamaño importa, e moito. Agrupacións de menos de 200 átomos compórtanse de xeito diferente o previsto na táboa periódica dos elementos. As agrupacións - clusters - de diferentes número de átomos amosan propiedades moi distintas. De aí que o catedrático de química física da USC Arturo López Quintela propoña crear unha táboa periódica en 3 dimensións.

Nos dominios da nanotecnoloxía o tamaño importa, e moito. Agrupacións de menos de 200 átomos compórtanse de xeito diferente o previsto na taboa periódica dos elementos. As agrupacións - clusters - de diferentes número de átomos amosan propiedades moi distintas. De aí que o catedrático de química física da USC Arturo López Quintela propoña crear unha táboa periódica en 3 dimensións. Temos novo colaborador en Efervesciencia. Juan Picos ha ser o noso correspondente en Londres. Desta volta fálanos do pasamento dun importante científico, o biólogo Sir John Sulston. Pensas que es 100% dixital? En realidade non non es porque aí está o modesto papel hixiénico. Saberamos da súa historia con Bibiana García Visos. Miguel Ángel Ríos preséntanos a IV edición dos premios de Transferencia Tecnolóxica da Real Academia Galega de Ciencias

Cando un sumidoiro da casa atóase podemos desentupilo engadindo algún preparado comercial formulado con aluminio en po e sosa. Se a cousa ponse complicada cumprirá botar man dalgún procedemento mecánico. E xustamente cando temos atoada unha arteria cerebral (ictus isquémico) cómpre botar man de técnicas análogas. O problema - ademais da loita contra o reloxo- xurde nun pequeno grupo de doentes nos que o tratamento cos fármacos desentupidores causa a rotura do vaso sanguíneo agravando o prognóstico. Mar Castellanos, xefa de neuroloxía do CHUAC, investiga como poder predicir a que doentes non se pode subministrar estes tratamentos. Unha oínte consúltanos sobre a "memoria dos músculos". Cuestión que resolve o neurofisiólogo do Hospital Nacional de Parapléxicos de Toledo Juan Aguilar. Deborah García Bello fálanos da peza "mais guai" para xogar ao "lego químico". Con José Edelstein coñecemos á parte máis persoal do cidadán do universo Stephen Hawking.