So Loop Hy Maar, Die Lewe En So

Niel Nogsteeds, Pietie Beyers en Beer Adriaanse se gesprek oor film en televisie duur voort. Beer Adriaanse breek loshande die rekord met die mees interessante feit van die potgooi tot op hede.    Geniet dit!

Niel Nogsteeds, Pietie Beyers en Beer Adriaanse spreek vir die eerste keer 'n spesieke tema aan, naamlik film en televisie. Ons praat dus in hierdie episode oor presies dit. Film en televisie.  Dis nogals donners lekker.   

Niel Benjamin, Jaco Nothnagel en nuwe gas, akteur Carel Nel bespiegel oor wonderlike wette, Neil Armstrong, hoe baie muskiete van Skrillex hou en allerande ander interessanthede. Geniet dit!

Niel Benjamin Kidd, Nini Conradie en Armand Aucamp gesels oor visuele kuns, seesterre, Iran, mense wat Woke is, onder baie andere. Geniet dit!

Niel Benjamin, Jacques de Villiers en Tonie du Toit bespreek die lewe van heuningbye, Courtney Love, lykshuise, Finland, jou sintuie en allerande ander semi-interessante onderwerpe wat ons interessant laat klink!  Geniet dit!

Ons verwelkom vir twee nuwe gaste, komediant en aktrise Anne Hirsh, asook Jaco Nothnagel, bemarker en vervaardiger van Marche Media.  Ons praat oor die vermaaklikheidsbedryf oor die algemeen, agente, die Koninkryk van Engeland en hulle "Game of Thrones" gewoontes, gades wat rondsweef in die huis en alles wat min of meer daarmee te doen het. Geniet dit!

Niel Benjamin Kidd en Pietie Beyers kuier weer saammet Bibi Slippers in hierdie episode.  Ons praat oor apies se speelgoed, die toekoms, die koue oorlog en die resies na die maan, en allerande ander meer (en minder) relevante dinge van die lewe.  So loop hy. 

Die coolste ou op Stellenbosch, Beer Adriaanse, is terug vir rondte twee. Ons praat oor genetiese manipulasie, bruinbere en wetenskaplikes wat soos diere lewe.  #soloophymaar

Niel Benjamin Kidd, Pietie Beyers en Mercy Kannemeyer gesels oor, onder andere, seerowers se musieksmaak, die volgorde van die alfabet en die Myers Briggs toets.  Geniet dit! 

Niel Benjamin Kidd, Jacques de Villiers en 'n nuwe gas, Mia Spies, gesels oor hoe miskruiers hulle pad vind, hoekom ons almal teveel vir koffie betaal en die Maleisiese regering se sensorgewoontes. 

Niel Benjamin Kidd en Pietie Beyers kuier saam met Bouwer Bosch in 'n splinternuwe episode wat lewensverreikend is! Geniet dit!

Niel Benjamin Kidd en Pietie Beyers stel voor twee splinternuwe gaste, Cintaine Schutte en Bernadette De La Guerre, in 'n splinternuwe CHRISTMAS SPECIAL episode! Stay oop-kous. 

Ons verwelkom vir Bibi Slippers in nog 'n asemrowende episode wat handel oor nuwe woorde, vegan resepte, Banksy se streke, nuwe kleure en alles wat daarmee gepaard gaan, maar ook nie...

Hoeveel sosiale punte verdien jy as 'n sigaretstompie optel en in die drom gooi? Hoekom ruik ander mense se asems vir jou so sleg? Hoekom seksualiseer die mensdom borste?  Niel Benjamin Kidd, Pietie Beyers en 'n nuwe gas, Beer Adriaanse, spekuleer oor hierdie unieke onderwerpe, vir jou genot. 

Ons skop af met Hugh Bladen komplimente en beweeg aan na papegaai wysheid, die "magic" van groepondersteuning en pluimvee sangomas.  Nou maar toe. 

Niel Benjamin Kidd en Pietie Beyers verwelkom 'n nuwe gas, Wilhelm van der Walt, in 'n gesprek oor keiserbabas, vlieënde katte en ander abnormaliteite wat jou gedagtes sal prikkel. 

Episode 4...is hier! Die span van Niel Benjamin Kidd, Pietie Beyers en Jacques de Viljee vergader rondom 'n groot wit mikrofoon en praat oor die dinge wat saak maak asook die dinge wat minder saak. En oor skaaphonde. En oor kakkerlakke.  Gooi vir jou 'n glas rooiwyn en praat 'n bietjie saam. 

Niel Benjamin Kidd en Pietie Beyers word bederf met die teenwoordigheid van Jacques De Villiers in 'n merkwaardige nuwe episode wat eintlik maar net beskryf kan word as baanbrekerswerk. Van onverwagte kannibalisme tot wit en swart drome, sit jou veiligheidsgordels op jou ore, en geniet die toer. 

Ons gesels oor nog 'n paar belaglike feite, en dan gesels ons oor ander dinge van die lewe wat daarmee te doen het. En dan gesels ons ook oor dinge van die lewe wat niks met enigiets te doen het nie. 

Alles wat jou gunsteling potgooi nie is nie, en nog minder.